+21 °С
Болотло
Новости
3 Октябрь 2019, 15:33
Һаҡ булығыҙ, Радик Юлъяҡшиндың һыңары килеп сыҡҡан!
Элвин Грей ҡушаматы аҫтында сығыш яһаған билдәле йырсы Радик Юлъяҡшиндың ижады менән спортсылар ҙа таныш икән. Уларҙың береһе ҡыҙыҡһынып ҡына ҡалмай, клип төшөрөп тә маташҡан.
"Өфө" футбол клубының һаҡсыһы Даниил Круговой, әйткәндәй, уны йыш ҡына Радий Юлъяҡшинға оҡшаталар икән, артисты һынландырып видеояҙмаға төшкән. Йырсының игеҙәге булам тип, футболсы сәсен буятып, ҡырҡтырып, уның кеүек кейенеп, билдәле футболсыларҙың исеменән торған трек яҙҙырған. Яҙма аҙағында ул артисты "Өфө"нөң баш тренеры Вадим Евсеев туп менән башҡарған хәрәкәтте яһап, видеороликта төшөргә саҡыра.
Йырсы футболсының был саҡырыуына әле бер ниндәй ҙә яуап бирмәгән, әммә спортсы артистың ситтә ҡалмаҫына ышана.
