Бәләкәстәрҙе ыҙалатҡан “тәрбиәселәр” төрмәгә оҙатылған

Уларҙың шәхси балалар баҡсаһы ябылған. Хужаларына, төрмәнән сыҡҡас та, өс йыл белем биреү өлкәһендә хеҙмәт итеү тыйылған.

Хәл Әстрхан ҡалаһында булған. Шәхси балалар баҡсаһына ата-әсәләре 33 баланы йөрөткән, айына 3,5 мең һум аҡса түләгән. Ә стеналар артында ҡот осҡос хәлдәр ҡылынғанын хеҙмәткәрҙәр белһә лә, берәү ҙә өндәшергә ҡыймаған. Аныҡлабыраҡ әйткәндә, ҡаңғыртмаһындар өсөн, балаларҙы көндөҙ аяҡ-ҡулдарынан бәйләп ҡуйғандар, ас тотҡандар, урамға йөрөтөргә алып сыҡмағандар.

Хәл 2018 йылда асыҡланған. Бер әсә, баҡсаға осраҡлы барып инеп, бәйле һәм ас балаларҙы күреп видеоға төшөргән, ата-әсәләргә ебәргән.

Артабан хоҡуҡ һаҡлау органдары ла был хәл менән ҡыҙыҡһынған, енәйәт эше асҡан. Йылдан ашыу тикшереү эше барғандан һуң, ҡанһыҙ хужалар, ниһайәт, язаһын алған. Әммә ата-әсәләр бының менән генә ҡәнәғәт түгел, улар хөкөм үтә йомшаҡ тип бара.

https://bash.rbsmi.ru/articles/y-m-i-t/b-l-k-st-r-e-y-alat-an-t-rbi-sel-r-t-rm-g-o-atyl-an/