+24 °С
Ямғыр
Новости
2 Октябрь 2019, 09:43
24 йәшлек ҡыҙ һәләк булды
Кисә кис Салауат ҡалаһында ҙур авария теркәлде. Калинин һәм Губкин урамдары киҫелешендә “ВАЗ 2112” менән “Шевроле Ланос” автомобилдәре төкөшә. Бәрелеш шул тиклем көслө була, ватан автомобиленең 24 йәшлек пассажиры “Ашығыс ярҙам” машинаһында дауаханаға китеп барышлай вафат була.
ЮХХДИ-ның матбуғат хеҙмәтенән хәбәр итеүҙәренсә, юл-транспорт һәләкәтендә шулай уҡ ике автомобилдең дә водителдәре йәрәхәтләнгән. Сит ил автомобиле рулендә - 33 йәшлек ир, “ВАЗ” менән 26 йәшлек егет идара иткән.
Яҡынса мәғлүмәттәр буйынса, “Шевроле” һулға боролған, ә “12-се моделле” автомобиль тура китеп барған. Аварияның сәбәптәрен юл полицияһы хеҙмәткәрҙәре асыҡлай.
