+22 °С
Ямғыр
Новости
11 Сентябрь 2019, 12:18
Тағын чупакабра килгәнме әллә?
Ниндәйҙер билдәле булмаған йәнлек Благовещен районында йорт ҡуяндары менән ҡош-ҡортто ҡырған. Был турала зыян күргән ҡатын хәбәр итә.
Уның һүҙҙәре буйынса, ниндәйҙер хайуан 9 сентябрҙә 20 тауығын, ә быға тиклем - 19 августа 14 ҡуянын үлтергән.
“Кемдең йорт малдары бар – иғтибарлыраҡ булығыҙ. Төндә чупакабра йөрөй һәм йәнлектәрҙең ҡанын һура. Ауыҙы бик ҙур икәне тойола, – ти ҡатын. – Минең ҡуяндарымды быуған һәм ҡанын эскән”.
Ҡыҙғанысҡа ҡаршы, был Башҡортостанда теркәлгән тәүге осраҡ түгел. Йәй көнө, мәҫәлән, Бәләбәй районында шундай уҡ билдәһеҙ януар унлап тауыҡты һәм үрҙәкте быуып сыҡҡайны.
