+22 °С
Ямғыр
Новости
1 Сентябрь 2019, 08:41
Урлаған да... йоҡлап киткән
Иглин районының полиция бүлегенә Өфө ҡалаһынан бер ҡатын дачаһынан “Хендай Солярис” автомобилен урлап алып китеүҙәре тураһында ғариза менән мөрәжәғәт итә.
Асыҡланыуынса, хужалар машина ишеген бикләмәй, етмәһә, салонда асҡыстарын да онотоп ҡалдыра. Полиция хеҙмәткәрҙәре бурҙың эҙенә тиҙ арала төшөп, машинаны төбәктең Оло Теләк ауылында таба.
Шуныһы ҡыҙыҡ: руль артында иҫерек ирҙе осраталар. Элек хөкөм ителгән 31 йәшлек “водитель” урланған машинала бер нәмә белмәй йоҡлап ятҡан була.
Уғры белдереүенсә, йорт янынан үтеп барғанда ишеге бикләнмәгән машинаны күрә, йәйәү йөрөгөһө килмәгәс, тиҙ генә салонға инеп ултыра. Уның бәхетенә, асҡыс та була. Ултыра ла китә, тик, йоҡоһо килгәс, туҡтап ял итергә була. Тәмле йоҡоно полиция хеҙмәткәрҙәре генә өҙмәһә...
Әле ғәйепләнеүсе полиция бүлегенә оҙатылған, енәйәт эше ҡуҙғатылған.
