+22 °С
Ямғыр
Новости
21 Август 2019, 03:13
Стюардесса Әлиә күптәрҙе ғашиҡ итте
Мәскәү эргәһендәге кукуруз баҫыуына мәжбүри ултырған самолет бортындағы стюрдесса Әлиә Слаҡаеваның сығышы менән Белорет ҡалаһынан булыуы хаҡында яҙғайныҡ инде. Кешеләрҙе эвакуациялауға тос өлөш индергән 27 йәшлек яҡташыбыҙ үҙенең һылыулығы менән социаль селтәрҙә күптәрҙе әсир итте.
Әлиә идарасыға уҡыһа ла, борт оҙатыусыһы булып эшләргә ҡарар иткән. Ул сәйәхәтте, һауаны, архитектураны үҙ итә, спорт менән шөғөлләнә.
Был ваҡиға йәмәғәтселектә ҙур шау-шыу уятты. Белореттар ҙа үҙҙәренең яҡташы менән ғорурланыуын йәшермәй. "Самолет моторы янған, ә ул ун тапҡыр инеп, тиҫтәләгән кешене сығарған. Әгәр ҙә самолет шартлаһа, уның да ғүмере өҙөлгән булыр ине", – тип яҙа уларҙың береһе.
Фото: "Бәйләнештә" социаль селтәренән.Башҡортостан гәзитенән.
