+22 °С
Ямғыр
Новости
12 Август 2019, 11:49
Урам һепереүсенең...ике миллиард һум бурысы бар
Мәскәү өлкәһендә Кеше хоҡуҡтары буйынса вәкил Екатерина Семенова Воскресенскиҙағы урам һепереүсенең башҡа һыймаҫлыҡ ваҡиғаһын контролгә алған.
«Хәл ябай түгел, ғәҙеллек тантана итһен өсөн бик күп көс түгергә тура киләсәк”, – тип белдергән ул.
Ысынлап та, хәл шаҡ ҡатырлыҡ. Өс йыл элек урам һепереүсе ҡатын Мәскәүҙәге фирмаларҙың береһенә курьер булып эшкә урынлашмаҡсы булған.Ҡатынды алдаштырып, нотариусҡа алып килгәндәр һәм бер нисә документҡа ҡул ҡуйҙырғандар. Һөҙөмтәлә унан фирма “директоры” яһағандар һәм банктан 32 миллион доллар аҡса алған компанияның соучредителе иткәндәр. ”Вазифалы” урам һепереүсе поручителлекте үҙ өҫтөнә алған. Күп тә үтмәй, банк бөлгөнлөккә төшкән, ә бурысты ҡайтарыу хоҡуғы башҡа компанияға бирелгән.
Суд ҡатындың файҙаһына булмаған. Урам һепереүсенең эш хаҡы 15 мең һум булыуын иҫәпкә алһаң, уға бурысты ҡайтарыу өсөн 259,7 мең йыл кәрәк.
