+21 °С
Болотло
Новости
30 Июль 2019, 15:26
Подъезд ҡыйығында тапҡандар
Бынан бер көн элек һәләтле балетмейстер Саръян Сөләймәновтың вафат булыуы хаҡында хәбәр иткәйнек инде. Бөгөн иһә ошо хаҡта теүәлерәк мәғлүмәт бар.
Баҡһаң, 30 йәшлек сәнғәт эшмәкәренең кәүҙәһен баш ҡаланың Мөбәрәков урамында урынлашҡан 12 ҡатлы йорттоң подъезд ҡыйығында тапҡандар. Бер версия буйынса, балетмейстер үҙ-үҙенә ҡул һалған...
Һәләтле йәш белгестең фани донъянан китеүе – сәнғәт донъяһы өсөн ҙур юғалтыу. Социаль селтәрҙәрҙә яҡындарының ауыр ҡайғыһын уртаҡлашалар.
— Саръян Сөләймәнов баҡыйлыҡҡа күсте. Уға ни бары 30 йәш ине. Ул сағыу, үҙенсәлекле талант эйәһе ине. Әле яңы ғына уның яңы балетын ҡараныҡ, тикшерҙек һымаҡ, уңыштар, еңеүҙәр теләнек... Ә тормош бына нисек... – тип яҙған театр тәнҡитсеһе, билдәле журналист Нина Жиленко.
Быйыл апрелдә Башҡорт дәүләт опера һәм балет театры сәхнәһендә “Доктор Никто” балетының премьераһы булғайны, уны сәхнәгә Саръян Сөләймәнов ҡуйған. Автор был әҫәрҙе “балет триллеры” тип атаған.
"Башҡортостан" гәзитенән.
