+22 °С
Ямғыр
Новости
21 Февраль 2019, 11:30
Француздарға Бөрйәндә ни кәрәк?
Башҡортостанға француз ғалимы, Тәүтормош йәмғиәте тарихы милли үҙәгенең баш мираҫ һаҡлаусы хеҙмәткәре Жан-Мишель Женест килде. Кисә ул республиканың Мәҙәни мираҫ объекттарын дәүләт һаҡлауы идаралығының коллегия ултырышы эшендә ҡатнашты. Шунан Бөрйән районындағы Шүлгәнташ мәмерйәһе менән танышырға юлланды.
Башҡортостанға француз ғалимы, Тәүтормош йәмғиәте тарихы милли үҙәгенең баш мираҫ һаҡлаусы хеҙмәткәре Жан-Мишель Женест килде. Кисә ул республиканың Мәҙәни мираҫ объекттарын дәүләт һаҡлауы идаралығының коллегия ултырышы эшендә ҡатнашты. Шунан Бөрйән районындағы Шүлгәнташ мәмерйәһе менән танышырға юлланды.
– Беҙ ғилми хеҙмәттәшлекте үҫтереү өсөн килдек. Шүлгәнташтағы музей-ҡурсаулыҡ күп туристарҙы йәлеп итәсәк, республика иҡтисадын һәм мәҙәниәтен үҫтерәсәк, – тине ул.
Жан-Мишель Женест 2014 йылға тиклем Франциялағы ҡаяға төшөрөлгән һүрәттәрҙе ғилми тикшереү менән шөғөлләнгән берҙән-бер лабораторияға етәкселек иткән.
Башҡортостанға килгән сит ил ғалимдарының төп маҡсаты булып Шүлгәнташ мәмерйәһендәге ҡаяға төшөрөлгән һүрәттәрҙең яңыртылған каталогын төҙөү өсөн әҙерлек эштәрен башҡарыу тора.
http://bashgazet.ru/main/35790-francuzdara-brjnd-ni-krk.html
