+22 °С
Ямғыр
Новости
4 Февраль 2019, 09:17
Һаҡ булығыҙ: көслө ҡар һәм боҙлауыҡ!
Башгидрометүҙәк белгестәре хәбәр итеүҙәренсә, бөгөн республикала көслө ҡар яуасаҡ, юлдарҙа ҡар һырынтылары, боҙлауыҡ. Ғәҙәттән тыш хәлдәр министрлығының Башҡортостан буйынса идаралыҡ хеҙмәткәрҙәре водителдәрҙе, йәйәүлеләрҙе юлдарҙа һаҡ булырға саҡыра.
Идаралыҡтың матбуғат хеҙмәткәре Гүзәл Шәрәфетдинова:
- Аҙна башында уҡ һауа шарттары үҙгәрә башлай. Төньяҡ-көнсығыштан килгән антициклон Урал аръяғына һалҡын һауа килтерә. Һауа температураһы төндә 17-22 градусҡа тиклем, аяҙайтҡанда 28 градусҡа тиклем етәсәк, көндөҙ 13-18, республиканың төньяҡ-көнсығышында 25 градусҡа тиклем һыуытасаҡ. Шишәмбе, 5февралгә ҡарата төндә һауа температураһы тағы ла түбәнәйәсәк һәм 30 градусҡа тиклем төшәсәк. Урыны менән ҡар яуасаҡ.
