Өфө аэропортында самолет һауаға күтәрелгәндә ҡойроғо менән ергә бәрелгән һәм осошто туҡтатырға мәжбүр булған

Осраҡ бөгөн Өфөнән Нижневартовскиға рейс башҡарған Airbus A321 самолеты һауаға күтәрелгән саҡта теркәлгән.

«Өфө аэропортынан ҡуҙғалғас, командир самолет ҡойроғоноң осоу-ултырыу һыҙатына ныҡ итеп бәрелеүе тураһында хәбәр иткән. Осошто ашығыс рәүештә туҡтатырға һәм самолетты яҡындағы аэродромға — авиакомпанияның Екатеринбургтағы ремонтлау базаһына ебәрергә тигән ҡарар ҡабул ителгән», — тиелә агентлыҡ белдереүендә.

Сығанаҡ һүҙҙәренсә, лайнер «Кольцово» аэропортына төшкән. Бер кем дә зыян күрмәгән. Самолет осоштан алынған, уны техниктар ҡарай.