+21 °С
Облачно
Новости
5 Декабря 2018, 13:17
Балаларға ярҙам итәйек
27 ноябрҙә Халыҡ-ара хәйриә көнө сиктәрендә өсөнсө тапҡыр #ЩедрыйВторник Бөтә Рәсәй акцияһы үтте. Акцияның маҡсаты - хәйриә мәҙәниәтен үҫтереүгә яңы импульс биреү һәм коммерция булмаған берләшмәләр, бизнес, дәүләт учреждениелары, инициативалы төркөмдәр һәм шәхси кешеләр аша халыҡты хәйриәгә йәлеп итеү.
БР Ғаилә, хеҙмәт һәм халыҡты социаль яҡлау министрлығы инициатива менән сығыш яһай һәм республикала онкологик һәм гематологик сирле балаларға төрлө яҡлап ярҙам иткән берҙән-бер фонд - «Потерь нет» Хәйриә фонды ойошторған ошо акция даирәһендә ауыр генетик сирле өс балиғ булмаған балаға аҡса йыйыуҙы хупларға тәҡдим итә.
Акцияла ҡатнашыу өсөн, ҡыҫҡа 3443 номерына «Дарю» һүҙе менән СМС ебәрергә кәрәк. Хәйриә күләме 65 һум тәшкил итәсәк, әгәр теләгегеҙ булһа башҡа сумма ебәрә алаһығыҙ. (Мәҫәлән, Дарю100 йәки Дарю500). Йәки «Потерь нет» фонд сайтында, http://poter-net.ru/how_to_help/Donations/ бүлегендә күрһәтелгән башҡа ысулдарҙан файҙаланып аҡса күсерә алаһығыҙ.
Акция һөҙөмтәһе тураһында мәғлүмәт http://щедрыйвторник.рф/, хәйриә фондының www.poter-net.com, шулай уҡ БР Ғаилә, хеҙмәт һәм халыҡты социаль яҡлау министрлығы сайттарында урынлаштырыласаҡ.
Үҙ хәбәрсебеҙ.
