+21 °С
Болотло
Новости
29 Октябрь 2018, 09:13
Өлфәт Мостафин Өфө мэры итеп һайланды
«Газпром газораспределение Уфа» йәмғиәтенең генераль директоры урынбаҫары Өлфәт Мостафин Өфө хакимиәте башлығы итеп һайланды. Өфө ҡала Советының күпселек депутаттары уның кандидатураһы өсөн тауыш бирҙе: 28-ҙе «ыңғай», бер кеше тауыш биреүҙән тыйылды, берәүһе ҡаршы булды.
Тауыш биреүҙән һуң Өлфәт Мостафин менән килешеүгә ҡул ҡуйылды, ул Өфө хакимиәте башлығы бурыстарын шуға ярашлы башҡарырға тейеш.
Белешмә
Мостафин Өлфәт Мансур улы 1959 йылдың 4 майында Саҡмағош районының Иҫке Ихсан ауылында тыуған. Өфө еңел сәнәғәт техникумын, Өфө авиация институтын тамамлай, армияла хеҙмәт итә. Техник фәндәр кандидаты. Хеҙмәт эшмәкәрлеген Өфө торлаҡ-файҙаланыу идаралығында башлай. Торлаҡ хужалығының производство тресында баш инженер, Киров районы Советының башҡарма комитетында коммуналь хужалыҡ бүлеге мөдире, Өфөнөң Торлаҡ хужалығы һәм инженер тәьминәте предприятиелары идаралығы начальнигы урынбаҫары була. 90-сы йылдарҙан «Газпром» системаһында эшләй.
2003 йылда Өлфәт Мостафин Башҡортостан Президенты Хакимиәтенә финанс-хужалыҡ идаралығы начальнигы вазифаһына күсә. 2010 -2013 йылдарҙа Иҡтисади, технологик һәм атом күҙәтеүе буйынса федераль хеҙмәттең Урал буйы идаралығында эшләй, һуңынан «Газпром»ға ҡайта.
"Башинформ".
