+21 °С
Болотло
Новости
18 Октябрь 2018, 15:00
Башҡортостан парламентының ике депутаты вәкәләттәрен ваҡытынан алда һалды
Башҡортостан парламентының ике депутаты Ирек Ялалов һәм Марат Шафиҡов вәкәләттәрен ваҡытынан алда һалды. Республика Дәүләт Йыйылышы – Ҡоролтайҙың 25 октябргә билдәләнгән сираттағы ултырышында парламентарийҙар ошо йәһәттән тейешле ҡарар ҡабул итергә тейеш.
«Ирек Ялалов республиканың закондар сығарыу органынан Федерация Советы ағзаһы вәкәләттәренә эйә. Марат Шафиҡов үҙ теләге буйынса вәкәләттәрен ваҡытынан алда туҡтатыу тураһында ғариза яҙҙы. Ике депутат буйынса ҡарарҙар пленар ултырышта ҡабул ителергә тейеш», – тине Башҡортостан Республикаһы Дәүләт Йыйылышы – Ҡоролтай рәйесе Константин Толкачев.
Ирек Ялалов һәм Марат Шафиҡов Дәүләт Йыйылышына «Берҙәм Рәсәй»ҙән берҙәм республика һайлау округы буйынса һайланғайны. Уларҙың мандаттары партия вәкилдәренә тапшырыла.
"Башинформ".
