+22 °С
Дождь
Новости
10 Октября 2018, 06:25
Өфөнән игеҙәк ҡыҙҙар федераль каналдағы тапшырыу аша атаһын тапҡан
Өфө ҡалаһынан игеҙәктәр Валерия һәм Вероника Григорович бер ҡасан да үҙҙәренең атаһын күрмәгән. 26 йәштә ҡыҙҙар уны федераль каналдағы «Ҡан саҡырыуы» тигән яңы социаль проект аша табырға уйлаған.
«Тапшырыу ҡыйыныраҡ төшөрөлдө. 3-4 сәғәт кенә йоҡлауҙан, кадрҙарҙы бер нисә тапҡыр төшөрөүҙән тыш, беҙ ябай кешеләр үҙҙәрен сикләргә ынтылған бик күп нәмәләр хаҡында белдек», — тип һөйләне игеҙәктәр.
Аталары уларҙы кескәй саҡта уҡ ташлап киткән. Михаил Михайловичты табыу өсөн ауыр юл үтергә, оҙаҡ көтөргә, легенда уйлап табырға һәм ҡартайғас кешенең ниндәй ҡиәфәткә инеүен күрергә мөмкинлек биргән компьютер технологияларын ҡулланырға тура килгән.
Эҙләүҙең ниндәй һөҙөмтәгә килтергәнен 9 октябрҙә «Пятница» телеканалында ҡарарға мөмкин.
"Башинформ".
