+21 °С
Болотло
Новости
7 Сентябрь 2018, 06:57
Федераль льготасылар өсөн мәғлүмәт
Социаль хеҙмәттәр йыйымы федераль льготасы статусына эйә булған граждандарға бирелә. Йыл һайын 1 октябргә тиклем уларға киләһе йылда социаль хеҙмәттәрҙе ниндәй төрҙә: натураль формала йәки аҡсалата алырға кәрәклеген билдәләргә кәрәк.
Ағымдағы йылда социаль хеҙмәттәр йыйымын алыуға форманы үҙгәртеүгә ғаризалар тапшырыу срогы йәкшәмбе, 2018 йылдың 30 сентябрендә тамамлана. Законға ярашлы, әгәр сроктың һуңғы көнө ял көнөнә тура килһә, Пенсия фондының клиенттар менән эшләү хеҙмәтенә шәхсән мөрәжәғәт иткән осраҡта ғаризалар киләһе эш көнөндә, йәғни ағымдағы йылдың 1 октябрендә ҡабул ителәсәк.
Әлеге мәлдә социаль пакет хаҡы айына 1075,19 һум тәшкил итә, шуның:
828,14 һумы - бушлай таратылған дарыуҙар лыуға,
128,11 һумы - шифахана-курорт дауаланыуына,
118,94 һумы ҡала яны тимер юл транспортында бушлай юл йөрөүгә, шулай уҡ ҡала-ара транспортында дауаланыу еренә барып ҡайтыуға бүленә.
Әгәр әлеге мәлдә ғәмәлдәге льготалар алыу тәртибен үҙгәртергә теләмәһәгеҙ, ғариза тапшырырға кәрәкмәй. Әгәр гражданин был тәртипте үҙгәртергә теләһә (мәҫәлән, хәҙер аҡсалата ала, ә киләһе йылдың 1 ғинуарынан натураль формала льготалар алырға теләй икән), ғариза тапшырырға кәрәк буласаҡ.
Рәсәй Пенсия фонды идаралығы ағзаһы, Башҡортостан Республикаһы буйынса идарасыһы Фоат Хантимеров белдереүенсә, республикала 321 мең федераль льготасы йәшәй. Шуларҙың 287 меңдән ашыуы (89 процент) тотош социаль хеҙмәттәр йыйылмаһынан йәки уның айырым өлөшөнән аҡсалата компенсация ала.
Пенсия фондының www.pfrf.ru сайтында «Граждандың шәхси кабинетында» электрон сервис ярҙамында социаль хеҙмәттәр алыуға, хеҙмәттәр алыуҙан баш тартыуға йәки алыуҙы тергеҙеүгә ғариза тапшырып була. Бында Пенсия фонды идаралығына шәхси барыу талап ителмәй.
Башҡортостан Республикаһы буйынса Пенсия фонды идаралығы матбуғат хеҙмәте.
