+22 °С
Ямғыр
Новости
29 Август 2018, 08:15
Өфөнән иң ҡиммәтле йәйге авиабилетты 254 мең һумға һатып алғандар
Өфөлә йәшәгән ир-уҙаман 2018 йылдың йәйендә иң ҡиммәтле авиабилеттар һатып алған рәсәйҙәр рейтингына ингән. Яҡташыбыҙ 254 мең һумға Башҡортостандың баш ҡалаһынан Испанияның Аликанте ҡалаһына осҡан.
OneTwoTrip сәйәхәттәр сервисы эксперттары мәғлүмәттәре буйынса, иң ҡиммәтле авиабилеттарҙың күпселеген Мәскәүҙә һәм Санкт-Петербургта йәшәүселәр һатып алған.
Иң ҡиммәтле осош Мәскәүҙән Нью-Йоркка булған (577 мең һум). Икенсе урында – Санкт-Петербургтан Зимбабвеның баш ҡалаһы Харареға сәйәхәт (522 мең һум), өсөнсөлә – Мәскәү – Сан-Франциско (349 мең һум).
Эксперттар билдәләүенсә, ҡағиҙә булараҡ, ҡиммәтле авибилеттарҙы осошҡа бер-ике көн ҡалғас һатып алалар.
"Башинформ".
