Өфө «Донъя әйлән-бәйләне» бөтә Рәсәй акцияһына ҡушыла

Сара 15 августа И. Яҡутов исемендәге мәҙәниәт һәм ял паркында «Рәсәй әйлән-бәйләне» фестиваль хәрәкәте барышында уҙғарыла. Флешмобта теләгән һәр кем ҡатнаша ала.

Акцияны ойоштороусы булып «Рәсәй әйлән-бәйләне» фестиваль хәрәкәте сығыш яһай, Өфөләге координаторҙар — Валерия Радужная һәм «Ҡояшлы әйлән-бәйлән» төркөмө.

Киске сәғәт 6-ла башлана. Адресы: Ленин урамы, 65/3.

«Донъя әйлән-бәйләне» — кешелектең яҙма рәүештә теркәлгән тарихында иң ҙур әйлән-бәйлән акцияһы. Санкт-Петербургта ғына уға өс меңдән ашыу кеше ҡушыла. Акцияла Рәсәйҙең һәм донъяның 100-гә яҡын ҡалаһы ҡатнаша.

Хәтерегеҙгә төшөрәбеҙ, июндә Өфөлә милли кейемдәрҙән иң ҙур әйлән-бәйлән яһап, рекорд ҡуйҙылар.