+22 °С
Ямғыр
Новости
3 Август 2018, 07:55
«Сағыу йәй»
«Болғар» балалар, үҫмерҙәр һәм йәштәр клубы, райондың ирекмәндәр үҙәге тарафынан Еңеү паркында ойошторолған урам уйындары программаһы тап ошолай тип аталды. Улар һәр аҙна шаршамбы һәм кесаҙна көндәрендә 18.00 сәғәттән үткәрелә.
Ирекмәндәр һәм клуб белгестәре балалар өсөн ҡыҙыҡлы һәм күңелле уйындар ойоштора. Тәмлекәстәр һәм ыңғай кәйеф бүләк итә. Дуҫтарың араһында саф һауала эстафетала, конкурстарҙа ҡатнашыуҙан да яҡшыраҡ нимә булыуы мөмкин? Ата-әсәләр ҙә балаларын хуплап торорға килә. Сираттағы шундай уйындар өс көн элек үткәрелде. Ҡатнашыусылар өсөн был юлы сюрприз әҙерләнгәйне. Клуб белгестәренә Экспресс-ҡотлауҙан Эльнара һәм СТБ-онлайндан Рөстәм ҡушылды. Улар ҡыҙҙар һәм малайҙар өсөн ҡыҙыҡлы һәм фәһемле квест әҙерләгәйне: ҡатнашыусыларға йомаҡтар һәм ребустар сисергә, дөрөҫ яуаптар һ.б. табырға мөмкин ине. Уйында ҡатнашыусыларға Стәрлебаш ауылы эшҡыуарҙары: («Комфорт» такси хеҙмәте, Экспресс-ҡотлауҙар, Олеся Спиридонованың Сәскәләр салоны, «Арзан» сауҙа үҙәгендәге Мебель үҙәге, STB-online) тәмле бүләктәр тапшырҙы.
