+21 °С
Болотло
Новости
26 Июнь 2018, 06:55
Сит илгә йыйынһаң - һалым буйынса бурыстарыңды тикшер
Йәйҙең ҡыҙыу мәле. Тимәк, ял итеү ваҡыт етте. Әммә бюджет алдындағы бурыстар граждандарҙың сит илгә сығыуын сикләүе һәм көтөп алған ялды боҙоуы ихтимал. Ошондай күңелһеҙлектәр булмаһын өсөн республиканың һалым органдары мотлаҡ түләүҙәр буйынса бурыстарҙы ваҡытында түләргә тәҡдим итә.
Бынан тыш, һалым түләүсегә йәки уның туғандарына ҡарата үтәтеү эше асылмауын да тикшерергә кәрәк.
Сит илгә сығыуға ваҡытлыса сикләү тураһында ҡарарҙы һалым органы үтенесе буйынса суд приставы хеҙмәте сығара. Ул артабан сик һағы контроле органдарына йүнәлтелә. Әгәр гражданинда һалымдар һәм йыйымдар буйынса түләнмәгән бурыс асыҡланһа уны авиарейсҡа индермәйәсәктәр.
Өҫтәүенә, сит илгә сығыуҙы тыйыуҙы туранан-тура аэропортта, тәғәйенләнгән илгә сығыр алдынан бөтөрөү мөмкин түгел. Эш шунда, сикләүҙе бөтөрөү процедураһы үҙе байтаҡ ваҡыт ала: бурыс, шул иҫәптән һалымдар һәм йыйымдар һәм административ түләүҙәр суммаһын, шулай уҡ дәүләт пошлинаһын түләргә кәрәк һәм ошонан һуң ғына үтәтеү эше туҡтатыласаҡ.
Бурысты түләр өсөн һалым инспекцияһына килеү мотлаҡ түгел. Бурыс булыу-булмау тураһында түбәндәге ысулдар: Рәсәй Федераль һалым хеҙмәте сайтында урынлаштырылған «Физик шәхестәр өсөн һалым түләүсенең шәхси кабинеты» Интернет-сервисы; «Һалымдарҙы түлә» онлайн-сервисы; www.gosuslugi.ru дәүләт хеҙмәттәре сайты ярҙамында; Күп функциялы үҙәктең ниндәй ҙә филиалына мөрәжәғәт итеп белергә мөмкин. Шулай уҡ бурыс булыуы тураһында иҫәп урыны буйынса һалым органында йәки 8(347) 226-38-00 ҡыҙыу линияһы телефоны аша белергә мөмкин. Ә бурысты граждандар түләү терминалдарында, банктарҙа һәм «Рәсәй Почтаһы» бүлексәләрендә түләй ала.
