+22 °С
Ямғыр
Новости
30 Май 2018, 12:12
31 майҙа Өфөлә «ҡатын-ҡыҙҙар» вакансиялары йәрминкәһе уҙғарыла
Башҡортостандың баш ҡалаһында 31 майҙа бәләкәй балаһы булған ҡатын-ҡыҙҙар өсөн вакансиялар йәрминкәһе уҙғарыла.
Тәҡдим ителгән һөнәрҙәр араһында — администратор, балалар баҡсаһы тәрбиәсеһе, диспетчер, инженер, кондуктор, консультант, курьер, менеджер, шәфҡәт туташы, кесе тәрбиәсе, официант, ашнаҡсы, һатыусы, биналарҙы йыйыштырыусы һәм башҡалар.
Йәрминкәгә килеүселәргә мәшғүллек өлкәһендәге дәүләт хеҙмәттәре лә күрһәтелә. Хеҙмәт баҙарындағы хәл тураһында мәғлүмәт, психолог кәңәше, һөнәри йүнәлеш буйынса консультация алырға мөмкин.
Бөтә хеҙмәттәр ҙә бушлай, тип билдәләнеләр Өфөләге Халыҡ мәшғүллеге үҙәгендә.
Йәрминкәне уҙғарыу урыны һәм ваҡыты — Ибраһимов бульвары, 47/1, иртәнге сәғәт 10-дан 12-гә тиклем.
"Башинформ".
