Республикала «Ҙур ата-әсәләр йыйылышы» уҙғарыла

Сараны Башҡортостан Республикаһында Бала хоҡуҡтары буйынса вәкил аппараты ойоштора. Форумда аппарат хеҙмәткәрҙәре, Башҡортостан дәүләт хеҙмәте һәм идара итеү академияһы студенттары, уҡыусыларҙың ата-әсәләре, райондағы белем биреү учреждениелары етәкселәре ҡатнаша.

Уҡыусылар өсөн Хоҡуҡ дәресе ойошторола. Сарала ҡатнашыусыларҙы «Ғаилә» көньяҡ-көнбайыш район-ара үҙәге бүлексәһенең эше менән таныштырыу, «Атайҙар һәм балалар» матбуғат конференцияһын һәм «Балаларҙың хәүефһеҙлеген тәьмин итеү — өлкәндәрҙең төп бурысы» ата-әсәләр йыйылышын үткәреү ҡаралған. Шулай уҡ Башҡортостан дәүләт хеҙмәте һәм идара итеү академияһы һәм Ҡырмыҫҡалы районы хакимиәте араһында квалификацияны күтәреү мәсьәләләрендә хеҙмәттәшлек тураһында килешеүгә ҡул ҡуйыу күҙаллана.