+22 °С
Ямғыр
Новости
6 Апрель 2018, 06:38
Акцияға ҡушылығыҙ!
Райондың йәш быуын вәкилдәре араһында сәләмәт йәшәү рәүеше һәм сәләмәтлектәре өсөн яуаплылыҡ тойғоһо формалаштырыу маҡсатында, йәштәр эштәре комитеты, «Балалар, үҫмерҙәр һәм йәштәр» муниципаль бюджет учреждениеһы ҡарамағындағы «Болғар» ғаиләгә, балаларға һәм йәштәргә психологик ярҙам күрһәтеү үҙәге полиция менән берлектә «Үлем менән ҡайҙа сауҙа итәләр, хәбәр ит» акцияһы үткәрә.
Акцияла наркомания проблемаһы менән таныш булған, шулай уҡ наркоманияны профилактикалау саралары тураһында белергә теләгәндәр ҡатнаша. Телефон аша мөрәжәғәттәргә Ғаиләгә, балаларға, йәштәргә социаль-психологик ярҙам үҙәге педагог-психологы һәм Рәсәй Эске эштәр министрлығының Стәрлебаш районы буйынса вәкиле яуап бирәсәк. Үткәреү датаһы - 10 апрель, 9.00 сәғәттән 17.00 сәғәткә тиклем. «Ҡыҙыу линия» телефоны: 2-14-52. Ошо мөрәжәғәтегеҙ менән һеҙ кемдеңдер сәләмәтлеген ҡотҡарып ҡалып, күңелде аҙҙырыусы ағыулы матдәнән һаҡлап ҡала алырһығыҙ, бәлки. Ситтә ҡалмағыҙ - акцияға ҡушылығыҙ!
