+21 °С
Болотло
Новости
28 Март 2018, 06:18
Гидрологтар баш ҡалала йылғаларҙың боҙҙан әрселеүенә һәм ташҡын кимәленә фараздар бирҙе
Гидрологтар Өфөлә йылғаларҙың боҙҙан әрселеүенә һәм ташҡын кимәленә фараздар бирҙе. Баш ҡала эргәһендә Ағиҙел йылғаһы 11 апрелдән 17-һенә тиклемге осорҙа боҙҙан әрселә. Былтыр унда 15 апрелдә боҙ китә башланы. Шакша янындағы Ҡариҙелдә – 6-12 апрелдә, Бочкарев тирәһендәге Дим йылғаһы 12-18 апрелдә «ҡуҙғала».
Белгестәр гидрологик постар ҡуйылғанға күрә, ошо пункттарҙы билдәләй.
Боҙ күп йыллыҡ уртаса күрһәткестәргә ярашлы китә башлар тип көтөлә. Атап әйткәндә, Ағиҙел йылғаһында 29 мартта иң иртә боҙ киткәйне, иң һуңғыһы – 4 майҙа. Ҡариҙелдә – 23 мартта һәм 21 апрелдә, Димдә – 29 мартта һәм 25 апрелдә.
Ташҡын кимәленең дә уртаса күрһәткестәргә ярашлы булыуы көтөлә. Ағиҙел йылғаһында ул 380-480 метр (иң ҙуры – 1118 м, иң кәме – 330, 2017 йылда – 715 м) тәшкил итәсәк. Ағиҙелдә – 430-530 метр (иң ҙуры – 1033, иң кәме 389, 2017 йылда – 671).Дим йылғаһында – 500-600 (иң ҙуры – 873, иң кәме – 281, былтыр – 562).
"Башинформ".
