+21 °С
Болотло
Новости
13 Март 2018, 09:32
Был аҙнала Башҡортостанға яҙғы йылы килә
Был аҙнала Башҡортостанға марттың ошо осорона хас яҙғы йылы килә. Һауа температураһы әкренләп нормаға яҡынлаша, тип фаразлай Башгидромет синоптиктары.
Марттың тәүге яртыһында уртаса тәүлек һауа температураһы норманан 3-6 градусҡа түбәнерәк булды, ошондай һалҡын һауа торошо 13 мартҡа тиклем һаҡлана. Был көндә төнгө сәғәттәрҙә -19,-24, урыны менән -30, көндөҙ -8,-13 градус булыуы көтөлә.
Алдағы көндәрҙә Көньяҡ Уралға йылыраҡ һауа массаһы килә башлай. 15 мартҡа һауа температураһының төндә -12,-17, урыны менән -22 градус, көндөҙ 0,-5 градус булыуы күҙаллана.
"Башинформ".
