+22 °С
Ямғыр
Новости
1 Март 2018, 07:19
Яҙҙың тәүге көнөндә республикала ниндәй һауа торошо күҙаллана
Башҡортостандың гидрометеорология һәм тирә-яҡ мөхитте күҙәтеү идаралығынан яҙҙың тәүге көнөндә Башҡортостанда ниндәй һауа торошо күҙалланыуы хаҡында хәбәр иттеләр.
Республикала көндәр йылытырға ашыҡмай. Синоптиктар февралде быйылғы ҡыштың иң һалҡын айы тип атай. Башҡортостанда февралдең һуңғы көндәре ныҡ һыуыҡ булды. Бер нисә көн буйына көслө ҡар яуҙы.
1 мартта атмосфера баҫымының күтәрелеүе арҡаһында республикала атмосфера күренештәре көсһөҙләнә башлай. Ләкин сираттағы һалҡын һауаның үтеп инеүе фаразлана. Һауа температураһы төндә -21,-26, урыны менән -32 градусҡа тиклем түбәнәйә. Көндөҙ -9,-14, урыны менән -19 градус булыуы көтөлә.
2 мартта бер аҙ ҡар яуыуы күҙаллана, ел төньяҡ-көнбайыштан талғын. Төндә -17,-22, урыны менән -27, көндөҙ -7,-12 градус.
«Фобос» үҙәге белгестәре мартта көндәрҙең һалҡынса, температураның уртаса күп йыллыҡ күрһәткестәрҙән бер градусҡа түбән һәм апрелдең йылы булыуын фаразлай. Бындай осраҡта, ғәҙәттә, көндәр аяҙ һәм яуым-төшөм нормаға ярашлы булырға тейеш. Күҙаллауҙар буйынса, марттың тәүге декадаһының яртыһына тиклем Рәсәйҙең күпселек биләмәһендә экстремаль һыуыҡтар көтөлә. Икенсе декадала режим нормаға ҡайта, ай аҙағында иһә ғәҙәттәгенән йылыраҡ булмаҡсы. "Башинформ".
