+22 °С
Ямғыр
Новости
27 Февраль 2018, 12:28
«Башҡортостандың электрон киң мәғлүмәт саралары» дәреслегендә республиканың төп медиахолдингтары хаҡында мәғлүмәттәр тупланған
Өфөлә «Башҡортостандың электрон киң мәғлүмәт саралары» дәреслеге сыҡты. Уҡыу посбиеһы Башҡортостан Республикаһындағы электрон киң мәғлүмәт сараларының хәҙерге торошон һәм үҫеш йүнәлештәрен тикшереүгә арналған. Авторы — Башҡорт дәүләт университетының журналистика кафедраһы мөдире, филология фәндәре кандидаты Рәшиҙә Мәһәҙиева.
Автор «Башҡортостан» телерадиокомпанияһы дәүләт унитар предприятиеһы, Бөтә Рәсәй дәүләт телерадиокомпанияһы филиалы булған «Башҡортостан» ДТРК-һы медиахолдинтарын ойоштороуҙың һәм уларҙың эшмәкәрлегенең төп йүнәлештәрен тикшерә. Телерадиоканалдарҙың структураһы, тапшырыуҙар биләмәһе, эфирға сығыу даимилығы, аудитория күләме, тематик йүнәлеше, маҡсатлы билдәләре һәм үҙенсәлектәренә ентекләберәк туҡтала. Айырым бүлек «Башинформ» агентлығын ойоштороу тарихына бағышланған.
Пособиела редакциялары республика биләмәһендә урынлашҡан муниципаль һәм дәүләткә ҡарамаған электрон киң мәғлүмәт саралары тураһында ла мәғлүмәттәр бар.
Ул студенттар, юғары уҡыу йорттарының журналистика бүлектәре һәм факультеты уҡытыусылары, журналистар, киң мәғлүмәт саралары менән үҙ-ара эш иткән белгестәргә тәғәйенләнгән.
"Башинформ".
