+21 °С
Болотло
Новости
26 Февраль 2018, 06:29
Һыу объекттарынан файҙаланыу ҡағиҙәләре раҫланды
Рәсәй Федерацияһы Һыу кодексына һәм «Урындағы үҙидаралыҡты ойоштороуҙың дөйөм принциптары тураһында»ғы 131 һанлы федераль законға ярашлы, Стәрлебаш районы муниципаль район хакимиәте тарафынан Стәрлебаш районы муниципаль районы территорияһында шәхси һәм көнкүреш ихтыяждары өсөн һыу объекттарынан файҙаланыу ҡағиҙәләрен раҫлау тураһында ҡарар ҡабул ителде.
Был ҡағиҙә шәхси һәм көнкүреш ихтыяждары өсөн һыу алыуға, һыу инеүгә, ял, туризм, спорт, һәүәҫкәр һәм спорт балыҡ тотоу, мал-тыуарға һыу эсереүгә бәйле талаптарҙы билдәләй һәм Стәрлебаш районы территорияһында халыҡ һәм төрлө милек формаһындағы ойошмалар өсөн мотлаҡ булып тора. Ҡағиҙәләрҙең тулы тексты менән район хакимиәтенең https://sterlibash.bashkortostan.ru/ рәсми сайтында, шулай уҡ гәзит редакцияһының http://rbsmi.ru/sterlibashevskierodniki/ сайтында танышырға мөмкин.
