+22 °С
Ямғыр
Новости
19 Февраль 2018, 06:58
Тыуым, никахлашыу, айырылышыу...
2018 йылдың тәүге айы ла үтеп китте. Демографик планда ул ниндәй булған? Был турала беҙгә аныҡ һандар һөйләй.
Ғинуар айында барлығы 22 сабый тыуған, уҙған йылда 15. Ҙур булмаһа ла үҫеш һәм шатлыҡлы хәбәр. Шуларҙың ғаиләлә тәүгеһе булып 5 (6) бала, икенсе - 11 (6), өсөнсө – 5 (2), дүртенсе – 1 (0) бала тыуған. Малайҙар ҡыҙҙарға ҡарағанда, ғәҙәттәгесә, күберәк – 15 (9), 7 (6). Ғинуар айы был яҡтан рекордлы. Малайҙар ике тапҡырға күберәк!
Уҙған йылға ҡарағанда кешеләр бер аҙға булһа ла әҙерәк үлгән – 26 (28). Әммә үлем тыуымдан өҫтөнлөклө булып ҡала. 10 (13) ир-егет үлгән, ҡатын-ҡыҙ – 16 (15). Үҙ-үҙеңә ҡул һалыуҙар булмаған.
Әммә никахтарын теркәүселәр һаны ике тапҡырға кәмегән – 6 (12). Шул сама пар айырылышҡан – 6 (7). Әгәр һандарға процентлап ҡараһаҡ, ул 100% тәшкил итә. Йәғни, никахҡа инеүселәрҙең барыһы ла айырылышҡан тигән һүҙ. Бик үкенесле һәм борсоулы статистика.
Шулай уҡ аталыҡты билдәләү, фамилияһын, исемен, атаһының исемен алмаштырыу буйынса берәр осраҡ теркәлгән.
