+21 °С
Болотло
Новости
16 Февраль 2018, 08:41
Өфөлә төрлө профилле вакансиялар йәрминкәһе үтә
Башҡортостандың баш ҡалаһында 22 февралдә коммуналь, социаль һәм шәхси хеҙмәттәр күрһәтеүсе, шулай уҡ һаҡ эшмәкәрлеге менән шөғөлләнеүсе предприятиеларҙың вакансиялар йәрминкәһе үтә.
Тәҡдим ителәсәк вакансиялар иҫәбендә – администратор, автомобиль водителе, йөксө, диспетчер, урам һепереүсе, консультант, менеджер, оҫта, ашнаҡсы, балта оҫтаһы, слесарь, тракторсы һәм электрик.
Йәрминкәгә килгәндәргә ғәҙәттәгесә мәшғүллек өлкәһендәге дәүләт хеҙмәттәре күрһәтелә, шул иҫәптән хеҙмәт баҙарындағы хәл тураһында мәғлүмәт, психолог кәңәше бирелә, компьютер диагностикаһы һәм һөнәри йүнәлеш буйынса консультациялар үткәрелә.
Бөтә хеҙмәттәр ҙә бушлай, тип билдәләнеләр Өфөләге Халыҡ мәшғүллеге үҙәгендә.
Йәрминкәне уҙғарыу урыны һәм ваҡыты — Ибраһимов бульвары, 47/1, иртәнге сәғәт 10-дан 12-гә тиклем.
"Башинформ".
