+22 °С
Дождь
Новости
6 Февраля 2018, 05:52
Дәүләт Думаһы бала ҡарау буйынса ялды арттырырға һәм уны хеҙмәт стажына иҫәпләргә тәҡдим итә
«Ғәҙел Рәсәй»ҙән депутаттар Дәүләт Думаһына бала ҡарау буйынса ялды йәш ярымдан өс йәшкәсә арттырыу хаҡында закон проектын индерҙе. Шул уҡ ваҡытта был осор пенсия иҫәпләү өсөн хеҙмәт стажына инергә тейеш. Был турала федераль киң мәғлүмәт саралары хәбәр итте.
«Рәсәйҙә йәш ярымдан кесерәк балалар өсөн ясле төркөмдәре бик аҙ булыу сәбәпле бәләкәй балаһы булған ҡатындар эшкә урынлаша алмай һәм тулыһынса ғаилә, яҡындары ярҙамына мохтаж», — тиелә аңлатма яҙмаһында. Бынан тыш, депутаттар балаларҙы ҡараған осор өсөн иҫәпләнгән иң күп страховка стажын алты йәшкә тиклем сикләгән положиены ғәмәлдән сығарырға тәҡдим иткән. Уларҙың фекеренсә, «был сара күп бала табыуға дәртләндермәй».
Ғәмәлдәге норма буйынса, әсәнең хеҙмәт стажына 1,5 йыл бала ҡараған ваҡыты һанала. "Башинформ".
