+22 °С
Ямғыр
Новости
31 Ғинуар 2018, 07:12
Төбәктә декларация кампанияһы башланды: килемгә һалым түләргә ваҡыт
Башҡортостанда декларация кампанияһы башланды, тип хәбәр иттеләр Федераль һалым хеҙмәтенең республика буйынса идаралығынан. Өс йыл милкендә булған мөлкәтте, шулай уҡ мөлкәтте ҡуртымға биреүҙән, эшҡыуарлыҡ эшмәкәрлегенән, отоштан һәм башҡаларҙан (Рәсәй Һалым кодексының 2018 статьяһында тулы исемлек бар) килем алған граждандар һалым декларацияһын тапшырырға тейеш.
2017 йыл өсөн 3-НДФЛ формаһы буйынса декларацияны 3 майға тиклем йәшәгән урын буйынса һалым органына килтерергә кәрәк. Өҫтәп иҫәпләнгән һалым 16 июлгә тиклем түләнә.
Декларацияны билдәләнгән ваҡытҡа тапшырмаған осраҡта мең һум күләмендә штраф һалына. НДФЛ-ды ваҡытында түләмәгән өсөн штраф һалымдың суммаһынан 20% тәшкил итә, тип иҫкә төшөрҙөләр Федераль һалым хеҙмәтенең Башҡортостан буйынса идаралығында. "Башинформ".
