+21 °С
Болотло
Новости
31 Ғинуар 2018, 06:56
Ҡайҙа эш табыуы еңелерәк: төбәктә иң түбән эшһеҙлек кимәле менән ҡалалар һәм райондар аталды
Башҡортостанда иң юғары һәм иң түбән эшһеҙлек кимәле менән республика район-ҡалалары аталды. Төбәк Хеҙмәт министрлығы мәғлүмәттәре буйынса, теркәлгән эшһеҙлек кимәле 31 декабргә 1,03 процент тәшкил иткән, ул йыл башы менән сағыштырғанда 0,14 процентҡа кәмегән.
Атап әйткәндә, Өфөлә был күрһәткес йыл аҙағында 0,86 процентҡа тиң булған, республиканың башҡа ҡалаларында – 0,91%, райондарҙа — 1,09%. 36 муниципалитетта эшһеҙлек кимәле Башҡортостан буйынса уртасанан түбән.
Иң юғары теркәлгән эшһеҙлек кимәле Ағиҙелдә һәм Межгорьела билдәләнә – 5,41 һәм 3,5 процент. Райондар араһында – Балаҡатай һәм Шишмә райондарында – 2,05 һәм 2,02 процент.
Иң түбән эшһеҙлек кимәле Сибайҙа һәм Октябрьскийҙа – 0,45 һәм 0,67 процент, шулай уҡ Миәкә (0,59%), Туймазы һәм Ҡариҙел (0,63-шәр %), Белорет (0,67%) һәм Өфө (0,7%) райондарында асыҡланған, тип хәбәр иттеләр министрлыҡтан."Башинформ".
