+21 °С
Облачно
Новости
22 Января 2018, 08:14
Башҡортостанда юридик берәмектәргә 2006 йылға тиклем ғәмәлдән сығарылған һалымдар буйынса бурыстарҙы ғәфү итәләр
Башҡортостан Республикаһы Дәүләт Йыйылышы – Ҡоролтай депутаттары “Ғәмәлдән сығарылған төбәк һалымдары һәм йыйымдары буйынса бурыстарҙы һәм пенялар һәм штрафтар буйынса бурыстарҙы түләтеүҙе өмөтһөҙ тип таныуҙы өҫтәмә билдәләү тураһында” закон проектын яҡындағы пленар ултырышта ҡарарға ниәтләй.
Закон проектына ярашлы, 2006 йылға тиклем ғәмәлдән сығарылған төбәк һалымдарын һәм йыйымдары буйынса юридик бурыстарҙы түләтеүҙе өмөтһөҙ тип танырға тәҡдим ителә.
- Әлеге закон проектын ҡабул итеү уға хоҡуҡи нигеҙ булмағанлыҡтан, мәҫәлән, түләтеү ваҡыты сығыу менән бәйле, түләтергә мөмкин булмаған бурысты бөтөрөргә мөмкинлек бирә, - тине Башҡортостан Республикаһы Дәүләт Йыйылышы – Ҡоролтай рәйесе Константин Толкачев. – Йылдан-йылға бындай бурысты иҫәпләү, уны яңынан иҫәпләү, яңы пенялар һәм штрафтар өҫтәү күп көс һәм средстволар, бюджет аҡсаларын сығарыуҙы талап итә. Был бурыстар барыбер бер ҡасан да түләнмәгәнлектән, уларҙы туплап, артабан иҫәпләүгә ҡарағанда юҡҡа сығарыу табышлыраҡ.
"Башинформ" агентлығынан.
