200 һәм 2000 һумлыҡ аҡсаларҙы барлыҡ магазиндарҙа ҡабул итергә тейештәр – Башҡортостан буйынса Милли банк

Яңы аҡсаларҙы ҡабул итеүҙән баш тартыу Рәсәй ҡануниәтен боҙоу тип иҫәпләнә. Бындай осраҡта граждандарға 8-800-700-90-30 телефоны буйынса «Роспотребнадзор»ға йәки Рәсәй банкының Ҡулланыусылар хоҡуғын яҡлау һәм финанс хеҙмәттәренең асыҡлығын тәьмин итеү хеҙмәтенә ялыу менән мөрәжәғәт итергә кәрәк: 8-800-250-40-72.

Икенсе вариант — Рәсәй банкының интернеттағы ҡабул итеү бүлмәһендә форманы тултырып, электрон мөрәжәғәт йәки 450008, Өфө, Театр урамы, 3-сө йорт, Рәсәй банкы Урал баш идаралығының Башҡортостан Милли банкы – бүлексәһе адресына яҙма мөрәжәғәт ебәрергә.

Яңы аҡсалар тураһында тулы мәғлүмәт fincult.info сайтында һәм Рәсәй банкының рәсми сайтында «Банкноталар һәм тәңкәләр» бүлегендә бирелгән. "Башинформ".