+22 °С
Дождь
Новости
27 Декабря 2017, 06:52
«Эксперт» агентлығы Башҡортостандың кредит рейтингын раҫланы
«Эксперт РА» рейтинг агентлығы «ruАА+» кимәлендә милли шкала буйынса Башҡортостандың кредит биреү һәләтлеге рейтингын раҫланы, фараз – «стабиль». Республикаға бирелгән рейтинг юғары кимәлдә кредит биреү һәләтлеген, финанс яҡтан ныҡлы һәм тотороҡло булыуын сағылдыра, тип аңлаттылар Башҡортостан Финанс министрлығында.
Белгестәр фекеренсә, төбәк иҡтисады күп тармаҡлы структура менән характерлана, юғары диверсификация кимәленә һәм тотороҡло һалым базаһына эйә. Юғары кимәлдә инвестиция йәлеп итеүсәнлеге һәм капитал сығымдары рейтинг баһаһына ыңғай йоғонто яһай.
Бюджетты юғары башҡарыу һәм ликвидлыҡ күрһәткестәре, шулай уҡ түбән бурыс кимәле республиканың кредит биреү һәләтлеген билдәләүсе төп факторҙар булып тора.
Әлеге ваҡытта Рәсәйҙән 13 өлкә һәм республика, шул иҫәптән ике ҡала (Новосибирск һһәм Дондағы Ростов) «Эксперт РА» агентлығы биргән кредит биреү һәләтлеге рейтингына эйә. "Башинформ".
