+21 °С
Болотло
Новости
25 Декабрь 2017, 10:32
Төбәктә «рәсми» эшһеҙҙәр һаны аталды
Мәшғүллек хеҙмәтенең һуңғы мәғлүмәттәре буйынса, Башҡортостанда теркәлгән эшһеҙҙәр һаны хәҙер 20 мең кешенән арта, йыл башында улар 23,6 мең ине.
Республикала теркәлгән эшһеҙлек кимәле 1 процент тәшкил итә. Сағыштырыу өсөн: 2017 йылдың башында был күрһәткес 1,17 процентҡа еткәйне.
Бер аҙна эсендә республиканың вакансиялар банкы яҡынса 700 яңы эш урыны менән тулыланды. Бөгөнгө көнгә унда 41,6 мең тиерлек вакантлы урын иҫәпләнә. Был уҙған йылға ҡарағанда яҡынса 9,5 мең вакансияға күберәк, тип хәбәр иттеләр «Башинформ» агентлығына мәшғүллек хеҙмәтенән.
