Тыуым, никахлашыу, айырылышыу.....

Барлығы уҙған йылда 172 (2017 йылда 175) бала тыуған. Шуларҙан ғаиләлә тәүге бала булып - 48 (53), икенсе - 66 (65), өсөнсө – 43 (34), бишенсе һәм унан күберәк - 5 (12) бала яҡты донъяға ауаз һалған. Шуларҙың 13ө (19) яңғыҙ әсәләрҙән. Малайҙар ҡыҙҙарға ҡарағанда, ғәҙәттәгесә, күберәк – 90 (90), 82 (85). Тыуғандар араһында бер игеҙәктәр бар.

Үлем статистикаһы, ғәҙәттәгесә, борсоулы. Үлем тыуымға ҡарағанда күберәк, ул арта ғына. 2018 йылда - 308 (311) кеше вафат булған. Шуларҙан ир-аттар - 160 (167) һәм ҡатын-ҡыҙҙар 148 (144). Үҙ-үҙенә ҡул һалыу осраҡтары ла кәмемәгән. Уҙған йыл 12 (10) булған.

Әммә никахтарын теркәүселәр һаны кәмерәк – 113 (123), ә бына айырылышыу күбәйгән - 63 (60). Аталыҡты билдәләү осраҡтары ла артҡан - 33 (28). Фамилияны, исемде, атаһының исемен алмаштырыу буйынса - 14 (9) акт теркәлгән.

Ғинуарҙа 10 (22) бала тыуған, 30 (26) кеше үлгән. 7 (6) пар никахтарын теркәгән, 3 (6) пар айырылышҡан.