Бөтә яңылыҡтар

БАТЫРШИНА Зилиә Мирғәли ҡыҙына

Донъялағы иң ғәзиз, ҡәҙерле кешебеҙ - тормош иптәшем, әсәйебеҙҙе тыуған көнө 55 йәше тулыу менән ысын күңелдән ҡайнар ҡотлайбыҙ. Урал тауындай ҡоростай ныҡлы һаулыҡ, муйыл сәскәһендәй ап-аҡ бәхеттәр, эштә уңыштар, барлыҡ хыялдарыңдың тормошҡа ашыуын теләйбеҙ. Әсәйебеҙ, ҡәҙерлебеҙ, һинең оло терәк, кәңәшсе булып йәшәүең - беҙҙең өсөн ҙур бәхет. Беҙгә тигеҙ итеп өләшкән йөрәк йылың, ҡайнар мөхәббәтең, бөтмәҫ хәстәрлегең, сабырлығың, һаман да беҙҙе ҡайғыртып йәшәүең өсөн сикһеҙ рәхмәтлебеҙ һиңә. Киләсәк көндәрең дә муллыҡта, һаулыҡта, ҡайғы-хәсрәтһеҙ, ауырымай-һыҙланмай, көлөп-йылмайып үтһен, алтын ҡулдарың талмаһын, оло кәңәшсебеҙ, терәгебеҙ булып, оҙон-оҙаҡ йәшә!

Беҙҙең ғорурланыр кешебеҙ һин,
Һинән күпме һабаҡ алырлыҡ.
Һинең тырышлыҡты, сабырлыҡты,
Мәрхәмәтте йырға һалырлыҡ.
Кешелекле бит һин, туған йәнле,
Ярҙамсыл һин дуҫҡа, туғанға.
Һинән ғәзиз кеше бармы икән,
Беҙ бәхетле тик һин булғанға.
Ерҙә ҡояш нуры балҡығандай,
Һин балҡыйһың беҙҙең күңелдә.
Тормошобоҙ һинең менән матур,
Рәхмәтлебеҙ һиңә мәңгегә.
Иң изге теләктәр менән тормош иптәшең Азамат, балаларың Динар-Руфина-Марсель, Гүзәлиә-Камил-Камилла-Таһир, Дилүс-Әлиә.
Читайте нас: