-3 °С
Ҡар
Бөтә яңылыҡтар
Яҡташтарыбыҙ ижады
15 Октябрь 2019, 12:30
Ауыл ҡатыны
Һеҙҙең иғтибарға яҡташыбыҙ Фәүҡәт Ғәлләм улы Ҡотлошиндың Халыҡ-ара ауыл ҡатын-ҡыҙҙарына бағышлап яҙылған шиғырын тәҡдим итәбеҙ.
Ауыл ҡатыны
"Ялың, йәйең нисек үтә?" - тиеп,
Ауыл ҡатынынан һораным.
"Ҡайҙан әйттем" - тиеп һөйләүҙәрен
Мин шаҡ ҡатып тыңлап торамын.
"Ниндәй ял, ти, ауыл ҡатынына,
Күргәнем юҡ баҡса-һарайҙан.
Күрәһеңме, ҡулдар һөйәлләнгән,
Ҡояш өтөп йөҙҙәр ҡарайған".
Татлы төн йоҡоңдо бүлеп көн дә
Иртә таңдан һыйыр һауаһың.
Көтөү ҡыуғас, себештәре көтә,
Улар тиеп тағы сабаһың.
Шунан баҡсала эш, сүптәр утап,
Наҙлап ҡына һыуҙар һибәһең.
"Гөрләп үҫһен гөлдәр, йәшелсәләр,
Ҡырау ғына һуға күрмәһен".
Һауған һөттө эш иткәс, ҡалаға
Алып бараһың һин һатырға.
Һөттө һатҡас, аҙыҡ-түлек тейәп,
Арып сығаһың һин ҡайтырға.
Көҙөн баҡса тиеп ит, картуф, тиеп
Бала, ҡала тиеп сабаһың.
Был заманға яраҡлашыр өсөн
Тырышаһың, яйын табаһың.
Һирәк ирен буяп, һөрмә тартыу,
Ҡупшы кейем кейеү байрамда.
Зарланмайым... Тапҡан ризығымдан
Татып ләззәттәр мин алам да.
Таҙа аҙыҡ-түлек менән илде
Туйындыра ауыл ҡатыны.
Һеҙҙең үткән быуын һуғыш булып
Аҙмы михнәттәрҙе татыны.
Егәрлеһең, көслө рухлыһың да,
Һин гүзәлһең, ауыл ҡатыны.
Был тормоштоң йәме, тәме лә һин,
Йәшәйһең - гәүһәр, алтыны.
Ҡыҙғаныуҙан көслө ғорурлығым
Ауыл ҡатыны ҡылған батырлыҡ.
Һөйәл ҡулдар, янған йөҙҙәр бар ҙа
Ары торһон, тим, башҡа матурлыҡ.
Бына шулай хәлдәр, һин "ял" тиһең,
Эштәр һәр саҡ тора өйөлөп.
Ауыл ҡатынына рәхмәт әйтәм,
Теҙҙәремә тиклем эйелеп.
Фәүҡәт ҠОТЛОШИН.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354