-3 °С
Ҡар
Бөтә яңылыҡтар
Яҡташтарыбыҙ ижады
24 Сентябрь 2019, 12:00
Таныш булығыҙ - Гөлнас Моратова
Моратова (Фәйзуллина) Гөлнас Шəңгəрəй ҡыҙы 1963 йылдың 1 июлендə Стəрлебаш районы Ҡабыҡҡыуыш ауылында тыуған. Ишембай ҡалаһының 1 һанлы урта интернат-мəктəбен тамамлай. Унан һуң Өфө урман хужалығы техникумында белем ала. Хəҙерге көндə Гөлнас өс балаға əсəй, алты балаға бəхетле өлəсəй. Шиғырҙарында тыуған төйəгенə, туғандарына булған һөйөүен белдерə.
Яҙам əле
Яҙам əле дуҫтар, яҙам əле,
Ҡулҡайҙарым ҡəлəм тотҡанда.
Уҡый торған улым, ҡыҙҙарым бар,
Мираҫ булып ҡалыр, быуынға.
Яҙам əле, дуҫтар, яҙам əле,
Һүтелһəлə тормош йомғағым.
Яҙмыштарҙа уҙмыш булмаһа ла
Өҙөлмəһə ине һуҡмағым.
Яҙам əле, дуҫтар, яҙам əле,
Йөрəккəйем ярһып типкəндə.
Аллаһымдан ғəфүҙəр үтенеп,
Яҙам əле ҡулдан килгəндə.
Күңел хистəрем
Таш яуһа ла юлды табыр инем,
Йə һуҡмаҡты һинең үҙеңə.
Юлды баҫҡан кəртəлəрҙəн күпер,
Һалыр инем йөрəк түреңə.
Аралашыр инек телефондан,
Яҡынайтып күңел хистəрен.
Йылы һүҙҙе йəн аҙығы, тиҙəр,
Шылтырат һин иртə, кистəрен.
Беҙ икебеҙ ике яҡты йондоҙ,
Донъя биҙəр өсөн ҡабынған.
Көмбəҙҙəргə ҡалҡып, балҡып янған,
Мөхəббəттəн уты ҡабынған.
Аралашмай ҡалған осраҡтарҙа,
Йыраҡтарҙан һине күҙлəйем.
Ҡарашыңды ғына күрер өсөн,
Ниҙəр генə, ниҙəр бирəйем.
Аралашмай ҡалған осраҡтарҙа,
Телефондан һине эҙлəйем
Тауышыңды ғына ишетер өсөн,
Ниҙəр генə, ниҙəр һөйлəйем.
Аралашмай ҡалған осраҡтарҙа,
Үҙ алдыма йырҙар йырлайым.
Йөрəк түрендəге хистəремде,
Моңға урап бүлəк ҡылайым.
Бүлəгем
Һиңə, тыуған көнгə бүлəк итеп,
Ни бирһəмдə булыр əҙ кеүек.
Күңел түрендəге хистəремде,
Йырға һалдым һиңə үҙ итеп.
Тыуған көнөң ҡотло булһын йəрем,
Һандуғастар тынмай һайраһын.
Һиңə генə яңғыраһын йырым,
Бер-үк ишетелмəй ҡалмаһын.
Аяҙ йəйҙең беренсе көнөндə,
Һин килгəнһең донъя йөҙөнə.
Аҡ бəхеттəр, иҫəнлектəр генə,
Телəп ҡалам килер көнөңə.
Ай-ҡояшты алып һалыр инем,
Мөмкин булһа һинең усыңа.
Ялан сəскəһенəн гөллəмəлəр,
Йыйып һалам йөрөр юлыңа.
Йөрəк йырҙарымды бүлəк итəм,
Ҡотлап һине тыуған көнөңдə.
Тик шатлыҡтар ғына урғылһындар,
Мөхəббəтле көлəс йөҙөңдə.
Тыуған яғым
Урал итəгендə нур балҡытып,
Сəскə ата Башҡортостаным!
Ҡарурмандар биҙəй биткəйҙəрен,
Ə тауҙары байлыҡ бостаны.
Тынғы белмəй ярһыу йылғалары,
Зəңгəр күҙле тоноҡ күлдəре.
Ҡурай тауышына моңдаш ҡына,
Һандуғастарының көйҙəре.
Ере өсөн, ана, ата-бабам,
Ҡаны менəн ирек яулаған.
Шуға һүнмəй дуҫлыҡ усағы ла,
Рəсəй-əсə менəн атлағас.
Гөлнас МОРАТОВА.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354