Йөрәгеңде тыңла

Үҙ-үҙеңде алдап, төңөлгәндә, Күҙкәйҙәрең күккә төбәлгәндә, Йәшәү менән үлем тиңләшкәндә,Аҡыл менән уйҙар көрәшкәндә,...

Үҙ-үҙеңде алдап, төңөлгәндә,

Күҙкәйҙәрең күккә төбәлгәндә,

Йәшәү менән үлем тиңләшкәндә,

Аҡыл менән уйҙар көрәшкәндә,

Яҡты көнөң, төнгә әйләнгәндә,

Аҡ ямғырға ҡушылып сеңләгәндә.

Өнөң менән төштәр аралашып,

Үткән көндәреңде эҙләгәндә,

Йөрәккәйем нисек түҙә, тимә.

Аллаһынан сабырлыҡтар һора,

Төштәреңде яҡшылыҡҡа юра.

Ауырлыҡтар, ул Хоҙайҙан һынау,

Тик үҙеңдең йөрәгеңде тыңла.

Күңел төбөм

Унда юҡтыр урын алдашыуға,

Көнсөллөктәр менән ярышыуға.

Юҡтыр унда сихыр, мәкерле уй,

Юҡтыр урын яман ҡарғыштарға.

Унда юҡтыр урын ғәмһеҙлеккә,

Ҡомһоҙлоҡҡа йәнә йәмһеҙлеккә.

Юҡтыр унда урын ғәйбәттәргә,

Күрә алмай янған йөрәктәргә.

Күңелемдең төбө һары алтын,

Сабырлыҡтан айырмаһын Раббым.

Ниҙәр сәсһәң шуны урырһың, тип,

Белеп әйткән минең алтын халҡым.

Гөлнас ФӘЙЗУЛЛИНА.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354