+29 °С
Болотло
Бөтә яңылыҡтар
Яҡташтарыбыҙ ижады
20 Ноябрь 2018, 12:11
Ялҡын менән киләм
Был юлы беҙ һеҙгә Тормай ауылында йәшәүсе Эльвира Батырованың шиғырҙарын тәҡдим итәбеҙ.
Ялҡын менән киләм
Сәфәр айы етте, сәфәр сыҡтым,
Әйтер һүҙҙәремде әйтәм тип.
Табылһындар ине тыңлаусылар,
Мәғәнәһе менән аңлаусылар.
Юлдарымда мине фәрештәләр,
Яҡлап тороп яңғыҙ итмәҫтәр.
Шиғыр менән киләм-туҡтатмаҫтар,
Юлдарыма кәртә ҡуймаҫтар.
Сайҡалыптар китәм, йөгөм ауыр,
Бушатмайса ҡайтмам, белегеҙ.
Халҡым тиеп янған йөрәгемдең
Ялҡындарын килеп күрегеҙ.
***
Заманалар үҙгәрҙе лә
Эш бөттө, ваҡыт етте.
Заман намаҙ талап итә
Иманһыҙлыҡ ялҡытты.
***
Иманһыҙлыҡ - ут дауылы
Иманһыҙлыҡ ут дауылы булып,
Өйөрөлөп ерҙе яндыра.
Шул өйөрҙә ҡалып яна күрмә
Иманһыҙлыҡ рухты һындыра.
Аҡса өсөн йүнһеҙлекте хуплап,
Хеҙмәт итеүселәр әҙме ни?
Үҙебеҙҙә аңламайса тороп
Утҡа майҙар һипкән беҙме ни?
Дауылдарҙы ҡуптармайыҡ әле,
Тыныс тормош көтһөн балалар.
Ут дауылы көсөн юғалтасаҡ,
Иманына килһә ололар.
Кем теләмәй балаһына бәхет
Шулар ғына дауыл эсендә.
Өйөрөлөп хәлдән тайып улар
Дауа табыр тик бер Ҡөрьәндә.
Ут дауылы урап үтер беҙҙе
Иманлылар менер майҙанға.
Әшәкелек кенә янһын әйҙә,
Еребеҙҙә урын юҡ уға.
Эльвира БАТЫРОВА.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354