Бөтә яңылыҡтар
Яҡшы хәбәр
1 Март 2020, 00:50

Нәбиевтар ғаиләһе бергә...

Күптән түгел билдәле блогер Рөстәм Нәбиевтың яңы тыуған ҡыҙы - Әминәнең дауаханаға эләгеүе тураһында хәбәр иткәйнек. Шөкөр, Нәбиевтар ғаиләһе яңынан бергә. Ауырып дауаханаға эләккән бәләкәс Әминә һауығып сыҡты, әле улар өйҙә.

Табиптар бәләкәй ҡыҙға үпкә елһенеүе диагнозы ҡуйғайны.
“Дауаханала изге күңелле, шәфҡәтле аҡ халатлылар ҡыҙыбыҙға тейешле медицина ярҙамы күрһәтте. Уларҙың тырышлығы һөҙөмтәһендә бер нисә көн эсендә сабыйыбыҙ һауыға башланы”, - тип яҙа танылған блогер Рөстәм Инстаграмда.
Ике көн элек атай кеше ҡыҙҙарын дауахананан ҡаршы алып, өйөнә алып ҡайтҡан.
Табиптар, шәфҡәт туташтарының изге ҡулдары ярҙамында аяҡҡа баҫҡан Әминәнең сәләмәтлеге киләсәктә ата-әсәне борсомаһын, дауалауҙың шифаһы тейһен.
Фото геройҙың шәхси сәхифәһенән.
Самат Ғәлин
Читайте нас: