Китап һөйөүселәр өсөн матур сара үтте

Сара китап уҡырға, китапханаға йөрөргә һәм яңылыҡтар яратҡан 3 йәштән 16 йәшкә тиклемге балаларҙы берләштерҙе. Байрам ҡунаҡтарына ҡурсаҡ спектакле, мастер-класс, миниатюралар театры күрһәтелде. Ул театрлаштырылған тамашанан башланды. Балалар һәм өлкәндәрҙе әкиәт геройҙары: Мәскәй әбей, Шүрәле, Джин менән осрашыуҙар көттө. Геройҙар менән бергәләп улар әҙәби уйын-викторинала ҡатнашты, геройҙарҙы танып-белде, хәрәкәтсән уйындарҙа уйнаны.

Кескәй уҡыусылар өсөн китапхана хеҙмәткәрҙәре ҡурсаҡ спектакле һәм йәнһүрәт күрһәтте. Ә ижади уҡыусыларҙы «Битлектәр театры» майҙансығы көттө. Бында балалар театр битлектәре эшләргә өйрәнде, уларҙы сәйлән менән биҙәне. Байрам ҡунаҡтары миниатюралар театрында ла ҡатнашты. Һәр кем үҙен төрлө ролдәрҙә һынап ҡараны.