Хеҙмәте юғары баһаланды

Стәрлебаштар - рәхмәтле халыҡ. Фәрит Гәрәй улының хеҙмәтен онотмай, уға «Стәрлебаш районының почетлы гражданины» исеме бирелә. Таныҡлыҡты һәм ҡыҙыл таҫманы изге теләктәр менән уға район Советының XVI ултырышында район Советы рәйесе Юнир Рысаев тапшырҙы. - Район Советы президиумына, район хакимиәтенә һәм депутаттарға хеҙмәтемде юғары баһалағандары өсөн ҙур рәхмәтемде белдерәм. Был исем - минең өсөн иң ҡиммәтле бүләк, - тип билдәләне Фәрит Гәрәй улы. - Билдәләп үткем килә, был ошо йылдарҙа минең менән бергә эшләгәндәрҙең барыһының да дөйөм хеҙмәте. Ул район менән идара итеүҙе Илдар Лоҡмановҡа ышанып тапшырған 2004 йылды иҫкә төшөрҙө. Шул саҡта тантанаға килгән республиканың Премьер-министры Рафаэль Байдәүләтов район хакимиәте командаһын юғары баһалап, барлыҡ бурыстарҙы ла үтәй алаһығыҙ тип әйтә. - Бөгөнгө команда шулай уҡ көслө, һеҙгә район мәнфәғәтендә уңышлы эшләүегеҙҙе һәм юғары һөҙөмтәләргә ирешеүегеҙҙе теләйем, - тине йыйылыусыларға Ф.Ҡәйүпов.

Рәйсә МУСИНА. А.ЗӘЙНЕТДИНОВ фотоһы.