Бөтә яңылыҡтар
Йәмғиәт
25 Март 2021, 11:50

Башҡортостан башлығы Хәйбулла һәм Илеш райондарының хакимиәт башлыҡтары менән осрашты

Муниципаль берәмектәрҙәге социаль-иҡтисади хәл, артабанғы үҫеш мөмкинлектәре һәм инвестиция проекттары фекер алышыуҙа сығарылды.

Хәйбулла районы башлығы Рөстәм Шәрипов мәҙәниәт һәм мәғариф объекттарының матди-техник базаһын нығытыу тураһында һөйләне. Төбәктә мәктәптәр һәм балалар баҡсаларын ремонтлауға урындағы ҡаҙнанан 50 миллион һум аҡса йүнәлтелгән.
Подольск мәктәбенә капиталь ремонт үткәрелгән. Аҡъярҙа физкультура-һауыҡтырыу комплексы төҙөлөшө тамамлана. Федераль программалар нигеҙендә социаль объекттар һалыу эше лә йылдам бара.
Осрашыу барышында Радий Хәбиров республика хөкүмәте премьер-министры Андрей Назаровҡа «Ауыл биләмәләрен комплекслы үҫтереү» программаһы нигеҙендә Хәйбулла районында һыу селтәрен яңыртыу, фельдшер-акушерлыҡ пункттары төҙөү һәм район үҙәгендә 550 урынлыҡ полилингваль мәктәп төҙөлөшөнә финанс сығымдар бүлеү тураһында күрһәтмә бирҙе.
Яңылыҡтарҙан. Фото асыҡ сығанаҡтарҙан.
Читайте нас: