Бөтә яңылыҡтар
Йәмғиәт
16 Декабрь 2019, 17:25

Өфө — Стокгольм һауа юлы асылырмы?

Бөгөн Бөтә донъя башҡорттары ҡоролтайына Швециянан Альбина Ғәйнанова һәм Гүзәл Фәзлетдинова килде. Улар Guzalland башҡорт-татар ойошмаһының киләсәккә ҡорған пландары тураһында һөйләне, Башҡортостан менән Швеция араһында дуҫлыҡ ептәрен булдырыу хаҡында фекерҙәре менән бүлеште.

Скандинав ярымутрауынан ҡунаҡтар Өфөлә 12-13 декабрҙә үткән этнотуризм буйынса халыҡ-ара форумда ҡатнашырға ҡайтҡан. Сарала улар Өфө-Вена араһындағы кеүек, Өфө-Стокгольм һауа юлын асыу тураһында тәҡдим индергән. Альбина менән Гүзәл әйтеүенсә, Швецияла шифаханаға оҡшаш һауыҡтырыу учреждениелары юҡ. Ике ҡала араһында һауа юлын булдырыу Башҡортостанда туризмды үҫтереүгә ҙур өлөш индерәсәк.

Киләһе йылда Guzalland ойошмаһы менән бергә Женевала башҡорт-татар һабантуйында ҡатнашырға теләк белдерҙеләр.
Фото Бөтә донъя башҡорттар Ҡоролтай сайтынан.
Читайте нас в