Бөтә яңылыҡтар
Йәмғиәт
10 Декабрь 2019, 11:40

Рәхәтләнеп аҡса эшләргә мөмкин

Ҡала-ара маршрутын хеҙмәтләндергән, кешеләрҙе ташыған таксистарға дәғүәләр күп. Улар тиҙлекте, юл хаҡын арттыра, машиналары бысраҡ.

Айырыуса “Лада Ларгус” маркалы водитель хужаларына ялыуҙар күп. Улар үҙ белдеге менән урындарҙы арттыра, бензин яҡҡан двигателде рөхсәтһеҙ газ менән йөрөүгә үҙгәртеп ҡора. Шул сәбәпле хәйләгә барыусы таксистарҙың ҡайһы берҙәренә штраф һалынғас, улар юл йөрөүҙән тыйылып торҙо.
Изге урын буш тормай тигәндәй, бүтәндәргә йәки юл ыңғайы кеше ултыртып йөрөгән водителдәргә “йәшел ут” тоҡанды.
– Өфөлә йәшәйем, эшем буйынса аҙна һайын Сибай ҡалаһына барырға тейешмен, – тип һөйләй иҡтисадсы Юрик Миңлебаев. – Быға хәтлем бер йәки иң күбе ике юлаусыны тапһам, хәҙер таксистар кәмеү сәбәпле, сират торалар. Үткән аҙнала хатта алдан шылтыратып, урын һоранылар.
Уҡытыусы Айса Рәхимғоловтоң һүҙҙәренә ҡарағанда, ул махсус рәүештә шәмбе-йәкшәмбе көндәре Өфөнән Нефтекама ҡалаһына кеше ташый, өйҙә тик ятҡансы ял көндәрендә ситкә сығып әйләнеү үҙен аҡлай, ти. Ҡыҫҡаһы, рәхәтләнеп аҡса эшләргә мөмкин.https://bash.rbsmi.ru/articles/y-m-i-t/R-h-tl-nep-a-sa-eshl-rg-m-mkin-31704/
Читайте нас в