Бөтә яңылыҡтар
Йәмғиәт
10 Декабрь 2019, 11:45

Олег Горбуновтың эше ҡасан тамамланыр?

Рәсәй Тәфтиш комитеты рәйесе Александр Бастрыкин белдереүенсә, коррупцияла ғәйепләнеп енәйәт эше асылған тәртип һаҡлау органы хеҙмәткәрҙәренең һаны кәмегән.

«Былтырғы йыл менән сағыштырғанда, Эске эштәр министрлығы, Федераль язаны үтәү хеҙмәте, Федераль таможня хеҙмәте һәм башҡа ведомстволар хеҙмәткәрҙәре иҫәбенән судҡа ебәрелгән ғәйепләнеүселәр һаны биш-ун процентҡа кәмене тип әйтергә була», - тип белдерҙе ул.

Айырым хоҡуҡи статусҡа ҡараған хеҙмәткәрҙәр (судьялар, прокурорҙар, адвокаттар, депутаттар һәм тәфтишселәр) буйынса 308 енәйәт эше судҡа тапшырылған. Былтырғыға ҡарағанда әллә ни айырма юҡ.

"Әле бер нисә махсус субъект тура килгән енәйәт эштәрен тикшереү тамамланыуға бара. Шул иҫәптән Башҡортостан прокурорының элекке беренсе урынбаҫары Олег Горбунов һәм уның туғыҙ ҡатнашыусыһы – ике прокуратура хеҙмәткәре, адвокат, депутат һәм бер нисә эшҡыуар", - ти Александр Бастрыкин.
Мәғлүм булыуынса, республика прокурорының элекке беренсе урынбаҫары Олег Горбунов бѳтәһе 18 миллион һумға тиң булған ѳс ришүәт алыуҙа ғәйепләнә. Ул был аҡса ѳсѳн ауыр, етди енәйәт ҡылғандарға яуаплылыҡтан ҡасыуға булышлыҡ иткән, тип бара тәфтишселәр.
Былтыр октябрҙә Федераль именлек хеҙмәте хеҙмәткәркәрҙәре Олег Горбуновты Шереметьево аэропортында ҡулға алды, ул сит илгә осорға теләгән. Шул ваҡыттан һаҡ аҫтында ултыра.https://bash.rbsmi.ru/articles/s-y-s-t-m-kho-u/Oleg-Gorbunovti-eshe-asan-tamamlanir-31353/
Читайте нас в